وهي كم عبارة مني

قال إبليس : العجب لبني آدم!.. يحبون الله ويعصونه، ويبغضونني ويطيعونني!..


قال أحد الظرفاء : إني أخاف من النساء أكثر من الشيطان!.. لأنه سبحانه يقول في سورة النســاء : {إِنَّ كَيْدَ الشَّيْطَانِ كَانَ ضَعِيفًا}، وفي سورة يوسف : {إن كيدَهُـن عظـيم{.


النجاح سلم لا تستطيع تسلقه و يداك في جيبك....

اقتباس

اقتباس

يلا مو مشكلة ضاعت ولقيناها

بس لا تنسى وعدك

يزنننننننننن
أيي وعد والله أنا ما بتذكر وعدت حدا بشي

حدا سمعني عم أوعد؟؟؟

مرحبا


الحمد لله ع سلامتكن

وبرافو  عليكن ... شي كتير كبير انو نعتذر عن أخطاءنا


برحب بالاعضاء الجدد كلن بدون ما ازكر اسماء .. مشان الزهايمر مايعملي مشاكل  :D



وباذن الله رح نبقى اخوات طوال السنين الخمسة الجاية ويلي بعدا كمان .


يالله شو مشتاءة لسوريا .. وللجامعة وحياة الجامعة




ماببالي حكمة هلأ .. رح اكتب اية كتير ساعدتني وصحتلي ضميري خصوصا وئت يجيني الشيطان ومافي رقيب عليي غير ربي



( ان الذين يخشون ربهم بالغيب لهم مغفرة وأجر كبير )


صدق الله العظيم




سلامي للكل :)


                                                                                                                                                                                                                                                                                                                                                               

السلام عليكم
كيفكم اليوم
انبسطو قد ما بتقدرو بهليومين لأنو العطلة قربت تخلص(آل يعني وقت الجامعة ما بننبسط )
على كل حال....
.
.
.
حابب ألكون شغلة مهمة كتير
بتمنى الخلافات يللي بتصير بالمنتدى ما تطلع لبرى
يعني متل ما شفت  كل الخلافات يللي صارت على مر السنين على هاد المنتدى كانت بسبب سوء التفاهم و القراءة السريعة(متل ما قالت رؤى )
يعني مثلا مو أنا أحكي بكرة شغلة صغيرة ما كون قصدي فيها شي
وروح تاني نهار علكلية لاقي مظاهرة ضدي أو شوف الناس بتأشر عليي وتتوتوت
لأنو برأيي أنو الكتابة مو بكل الأحيان بتعبر عن يللي بدي قولو للتاني(يعني غير الحكي وجها لوجه )
يعني إذا حدا اتدايق من التاني فيو أنو يفهمو برسالة مستعجلة أو بشكل غير مباشر بدون ما يسمح لأنو يصير جبهة و حلفاء و....و.....
لأنو نحنا مو بحرب باردة
بحب أرجع ذكركون أنو نحنا كللللللللللللنا أخوة بكل معنى الكلمة
(صدقو أنو إياد متدايق أنو يكون حدا آخد عنو فكرة غلط أو زعلان منو )
بس بالنسبة للأمور العلمية   أكيد لازم نتناقش و نتجادل لحتا نوصل للفكرة المظبوطة كلنا
وهي الأمو البسيطة ما بتستاهل أنو نوقف عندها أبدا
.............شو لسا بدي أحكي....لأنو هي تاني مرة بكتب المشاركة كرمال المنتدى الفظيع
بتمنى ما تفكرو أنو أنا مع حدا ضد حدا
بس عبأحكي هلحكي كلو منشانا نحنا لأنو الفترة مو قصيرة أبدا يللي بدنا نقضيها مع بعض
ولازم نكون متفاهمين وما نسمح لحدا أنو يأول هدول مقضينها خناقات علنت
ولا تنسو أهم شي أنو شو ماصار هون بالمنتدى من خلاف ما يصير سيرة الكلية
بتمنا يللي بأيدني بحكيي يقول وما يمر مرور الكرام
.
.
.
(ملحوظة:أنا ما عبأحكي بطريقة الأمر بس هيك يعني عبأطرح أفكار للمستقبل القريب و البعيد)
.
.
.
أهلا سويتي شوشو 
بس عفوا على الفضول(على فكرة أنا حشور )
أنت أول مرة بتشاركي هون لأنو والله بتذكر أنو شفت أسمك أبل بس ما بعرف وين
وكمان رغودة لك والله اشتقنالك مع أنو ما بعرفك بس جد كل واحد هون بحسو صديقي بدون مزح
.
.
.
لك سيرين كيف شغلتي مائة طريقة لتحفيز نفسك
أنا عندي adobe reader 9
وما اشتغل
there was an error opening this document.the file is dameged and could not be repaired
هيك عبيألي شو ساوي
.
.
.
If you‘re not ready to die for it, put the word "freedom: out of your vocabularyMalcom X
لا تسألوني مين هاد....ما بعرفو


سلام

السلام عليكم   

كيفكون يا شباب وصبايا الصيدلة ؟؟

اقتباس

يالله شو مشتاءة لسوريا ..

سوريا وسكانها (أو بيكفي أنا) اشتاقولك 

بحب رحب بالعضو الجديد sweety shosho
وإذا اسمك بحرف الشين معناها إنت معي بالفئة ... أهلا وسهلا

ومشان فكرة أنو نحكي عن كتاب قرأناه ....

فأنا بصراحة قرأت بهالعطلة كتاب (إدارة الوقت) للدكتور طارق سويدان وبنصح فيه كل يلي بحب ينظم وقتو ويعرف كيف يستغلو 

لأن الوقت هو عمرنا وحياتنا ولما بيضيع بكون عم يضيع جزء من عمرنا 

الكتاب حلو كتير وهو عبارة عن دورة ومعه 3CD فيهم تسجيل للدورة يلي عملها الدكتور طارق والكتاب فيه التمارين التي أعطاها الدكتور للمشتركين

وإن شاء الله بكتب لكم شوي من النصائح يلي موجودة فيه (إذا بتحبوا) 

بس هلأ رح اكتب بعض أبيات الشعر يلي بحبها وهي للإمام الشافعي :


أخي لن تنال العلم إلا بستة                سأنبيك عن تفصيلها ببيان

ذكاء وحرص واجتهاد و بلغة                  وصحبة أستاذ وطول زمان
                                                                       


نعيب زماننا والعيب فينـــا                      وما لزمانــا عيب سوانــا

ونهجو الزمــان بغير ذنب                      ولو نطق لنا الزمان هجانا

وليس الذئب يأكل لحم ذئب                  ويأكل بعضـنا بعضـا عيانــا

اقتباس

وكمان رغودة لك والله اشتقنالك مع أنو ما بعرفك بس جد كل واحد هون بحسو صديقي بدون مزح

كلك زوء حسان


انا يمكن بعرفك .. ازا كنت بالشعبة الاولى فانت هو يلي بعرفو  مصادر خاصة 

اقتباس

سوريا وسكانها (أو بيكفي أنا) اشتاقولك 

كفو والله حبيبة القلب .. بس مشان ماتقولي نحنا من بيت فستق رح قلك ... كفو والله وليه 



رفيقة الدرب والطريق 

اقتباس

إخواني ستكون المقاطعه في يوم 15/2/2010 وذلك بالإستغناء عن جميع خدمات
الشركتين من رسائل و نت و اتصالات

عجبتني فكرتك سويت شوشو


القفلة مفكرين حالن هالشركتين انو ارخص اسعار بين الدول التانية .. يعني فوق حقو دقو 



قولتك بينفع معن هالشي؟ ما منقول غير ان شالله 





                                               
                               
                                                     


سلام

السلام عليكم .....

مساء الخير جميعاً

بتعرفو شو 

خدوها من قصيرها واعتبروني سنة أولى معكون إذا بتتقبلوني طبعاً 

وهيك مابقا حس حالي متطفلة أو حشورة 

بالنسبة لحكي حسان

لسا بكرا حسان بتصير الساحة بالنسبة للزوار مسلسل يومي صدقني وبتلاقي 600 عفريت قصدي زائر عم يتفرج 


واذا بدك مرة كنت قاعدة بالمدرج وقمت سألت الدكتور سؤال وبس قعدت سمعت حدا من ورايي وأكيد كانو زوار قال: لك هي رؤى اللي قالت بالساحة كذا وكذا واتناقشوا على كذا 

وشوف الغمز واللمز والنكوشة من الزوار عليكون إذا كان صاير شي حدث هون هههههههه

عادي وأنا عرفت أنو هالشي عم يصير مع كل السنين 

وعلى فكرة إذا اتبعتو طريقة التوضيح والاستدراك المباشر وعدم التشبث بالرأي وإن كان خاطئ لح يريحكون كتير وبإذن الله لح يكون الوضع تمام

العمااااااااا لعيت كتير بعرف 

آسفة

بس على فكرة بحياتي ما فكرت رافق حدا أصغر مني بس أنتو كلكون هون حسيتكون رفقاتي واخواتي

يلا سلام وموفقين كلكون

مرحباااااااااااااااااااااااااا
كيفكون يا طلاب الصيدلة؟؟؟؟؟؟؟
انشالله الأوضاع راقت
يلا نحنا منضل إخوة
وحتى لو كان في نقاشات حادة شوي منضل إخوة وما حدا بيزعل من حدا

اقتباس

لك سيرين كيف شغلتي مائة طريقة لتحفيز نفسك
أنا عندي adobe reader 9
وما اشتغل

يمكن لأنو عندك نسخة 9
ما عم يشتغل(ههههههههههههههههههه)

لأ عم إمزح أصلاً انا كمان عندي نفسه
طيب سؤال إنت نزلته من موقع جامعة ؟؟؟؟؟؟
إذا نزلته من موقع جامعة
ممكن لما إنت نزلته ما نزل منيح
أو ممكن يكون مضغوط يعني لازم تعملو فك
ف بهي الحالة لازم تضغط ع الأيقونة تبع المجلد بالزر اليميني
وبعدين تختار(Extract here)
بعدين بنفس المجلد بيطلع أيقونة جديدة ع الأغلب هاد اللي بيفتح
اعمل هيك وخبرني شو بيصير معك؟


إياد

اقتباس

أرجو منكم القراءة بشكل جيد فقد استغرقت ساعة في كتابة المشاركة.....

ليش عذّبت حالك طول هالوقت
مانحنا من قبل بيوم قلنا خلص ما في شي يعني وكأن شيئاً لم يكن

اقتباس

مبارح كانت الرياضيات نكبة بالنسبة إلي 

يلا الحمدالله ع كل شي   والله وأنا كمان كنت متوقعة أكتر  بس يلا مو مشكلة

اقتباس

وأنا هلأ بانتظار النكسة تبع العربي......

لأ انشالله ما بيكون لا في نكسة ولا نكبة وانشالله أعلى العلامات بتكون لكل اللي بالمنتدى

اقتباس

وصار اللي صار .............بس أنا من عندي باعتذر........لأني تصرفت بساعة غضب.........

ما في داعي للاعتذار   

اقتباس

وهالشي مو من شيمي وأخلاقي...............بس إن شاء الله تقدرو ظروفي.......

نحنا متأكدين من شيمك وأخلاقك والله ونحنا مقدرين ظروفك
بس يعني الظاهر كنا كلنا مزعوجين وكان عم ينعكس هاد الشي ع بعض

اقتباس

أنتو أكيد متذكرين أنو نحنا أخوة وأخوات

أكيد ما في شك

اقتباس

بتمنى تتفهمي وما تصبي الزيت على النار..................

يا حرام يا أنا      والله لاصبيت الزيت ع النار ولا شي

اقتباس

بس برجع وبقول أنا مو زعلان من حدا....................والله يسامحنا أجمعين........

وأكيد هون ما في حدا زعلان من حدا


يلا سلام
( يمكن هي أطول مشاركة عندي )